ၸဝ်ႈၾႃႉဝၢင်းဢႃႇၼႃႇပၼ်ၵူၼ်းမိူင်း

 ၵေႃႉၼွၼ်းဢမ်ႇလပ်းၼၼ်ႉ ဝႃႈ ၶိုၼ်းယၢဝ်းၼႃႇ

ၵေႃႉမီးတၢင်းမုင်ႈမွင်းၼၼ်ႉ ဝႃႈ ၶိုၼ်းယၢဝ်းၼႃႇ

ထိုင်ယဝ်ႉၵမ်းၼႆႉ ၸူမ်းတႄႉၸူမ်းၼႃႇ ၸႂ်ပေႃးၵီႈ သူၺ်းသူၺ်း မိူၼ်မွၵ်ႇမူဝ် ႁူဝ်ၼႂ် ၵူႈၸဝ်ႈၵူႈၶုၼ်ၵူႈၼၢင်း ယၢမ်းတႂၢင်း ပီၶရိတ်ႉ-1959 လိူၼ်ဢေႇပိူဝ်ႇ(24)ဝၼ်း ပီၵေႃးၸႃႇ-1321 လိူၼ်ႁႃႈလွင်ႈ(2)ၶမ်ႈ  ဝၼ်းသုၵ်း ပီသႃႇသၼႃႇ-2503 ၼီႈ ယၢမ်းဢွၼ်ဝၼ်း (10)မွင်း ပၢႆ(50)မိၼိတ်ႉ  ၼႂ်းပၢင်လဵၼ်ႈမၢၵ်ႇၼင် တီႈဝဵင်း တွင်ႇၵျီး မိူင်းတႆးပွတ်းၸၢၼ်း ၼၼ်ႉ   ဝႆႉႁႂ်ႈပွႆး ၵေႃႈၵိုၼ်းၼႃႇ  သေႃႇၵၼ်မႃးပႂ်ႉတူၺ်း ၵူႈဝၢၼ်ႈၵူႈမိူင်း   ၵူႈတီႈၵူႈလႅၼ်  ပေႃးဢမ်ႇမႃးဢမ်ႇလႆႈၵျၢပ်ႈမႆႈၸဝ်ႈၵႃးၶဝ်  ဢွၵ်ႇတေႃႉသူင်ႇ  ၵႃးလမ်လႂ်  ပဵၼ်ၽႂ်ဢ််ႇလႆႈၵႂႃႇ  တေသိမ်း  မႂ်လၢႆႇသဵၼ်ႇ ( မႂ်ဢၼုၺၢတ်ႈ ) ၼႆလႄႈ ၵႃႈမီးၵႃႈမႃး  ၵူမ်းထဝ်ႈဢႃႇယု -5-6-7 သိပ်းၶဝ်ၵေႃႈဝႃႈ--ၸူဝ်ႈပဵၼ်ၵူၼ်းမႃး ပႆႇတွၼ်ႉယၢမ်ႈလႆႈႁၼ် ပွႆးၶၢႆမိူင်း သေပွၵ်ႈ  ပိူၼ်ႈတေႁဵတ်းႁိုဝ် သိုဝ်ႉၶၢႆလႅၵ်ႈဢဝ် ငိုၼ်းၵၼ်  တေလႆႈၼမ်လူင်တၢၼ်ႇႁိုဝ်  ၼႆလႄႈ  ပႃးၸႂ် ပႃးၶေႃးသေမႃးၵူႈၽၢႆႇၵူႈတၢင်း  တေႃႈမုၼ်ၸဝ်ႈမုၼ်ၸၢင်း ပေႃးၶႂ်ႈၽၢၵ်ႇမၢၵ်ႇတႃ ၵႂႃႇၸွမ်း တၵ်ႉၵႃႇၶဝ် တူၺ်းပွႆးယဝ်ႉ   ၸဝ်ႈၶုၼ်လူင်ၶဝ်ၸဝ်ႈတႄႉ  ထႆႇၼုင်ႈၶူဝ်းမႂ်ႇ သႂ်ႇၼမ်ႉဢၢႆႁွမ်  လွမ်ၸမ်ႈ လွမ်မၢၼ်ႇ  ႁဵတ်းႁၢၼ်ႇ

 ၶိုၵ်ႉလိုၵ်ႉ  ပုင်ႇထူၼ်ႈထီးမၼ်းသေ  ယၢင်ႈယဵပ်ႇ  ၼိူဝ်ၼင်လိၼ်မိူင်း  ႁၢင်ႈပေႃးဢူၼ်ႈယုမ်ႈယုမ်ႈ  ၼႃႈ ႁၢင်ႈပေႃး မိုတ်ႈဢုမ်ႇႁူမ်ႈ  လူၺ်ႈၽၢႆႇ ၸၢႆႉၵိူင်း ဝႆႉၵေႃႈမီးမီး  ၶဝ်ႈၵႂႃႇၼႂ်း သုမ်ႉၵၢႆႇၼႃး  ပိၵ်ႉမၢၼ်ႇ မၢၼ်ႇတၢပ်ႈလူင်  ဢၼ်သၢႆသွႆႈ  ႁွႆႈမွၵ်ႇပဵၼ်ငိုၼ်း ပဵၼ်ၶမ်း ပဵၼ်သႅင် လိူင်လႅင် လေႃးလၢႆး ၶိုၵ်ႉၶိုၵ်ႉ ၶၢႆးၶၢႆး   ၵလုင်ႇတွင်ႇ ပၢၼ်းသွႆး  ႁွႆႈယွၼ်ႇ  သွမ်ႈသႅမ်း ၶႅမ်ႉတွၼ်း ၼင်ႈၼိမ်ဢဝ်ဢိင်ႇတရေႇ ပေႃးၼိမ်ၸွၼ်းၸွၼ်းသေလႄႈ  ႁူထွမ်ႇသဵင်တူႇရီႇယႃႇႁႃႈပႃး  ဢၼ်ပိူၼ်ႈႁႆႇမႃး ၽၢႆႇမၢၼ်ႈ တုမ်ႇၶူၼ်ၼိူဝ်ႉပေႃးသၢၼ်ႈမႄႈသၢဝ် မၢၼ်ႈ ၼၢင်းၸၢင်ႈၵႃႈ ၼၢင်းထၢတ်ႈသိၼ်ႇၶဝ်  တႅင်ႇတူဝ် ၶူဝ်းၼုင်ႈ မုင်ႈၼႃႈ ၸဝ်ႈၶုၼ်ႁဝ်းၶဝ်သေ ႁဵတ်းၵႂၢမ်းသဵင်ဢူၺ်ႉ သဵင်ဢၢမ်ဝႃႈ --တော်ဘုရားရယ်  အာဏာ

တပါးဝယ်  လက်ကိုင်မထားတယ် ဒီမိုကရေစီတရားနဲ့မေတာတရားပေါင်းစပ်ကာလဲလှယ်  လွယ်စွာယခု  မတွယ်တာမူ မြန်စွာပြုတဲ့ သစာ

စေတနာကပိုတယ်'--

 ႁဵတ်းၸိူင်ႉၼၼ်ဝႃႈၸိူင်ႉၼၼ် ဝႃႈၸိူင်ႉၼႆ ၽီၽီၽွႆးၽွႆး လၢႆႁူဝ်လၢႆတွႆး ၸေႇတၼႃႇလူင်မိူင်းၵၢင် မိူင်းၵူၼ်း  မၼ်းၸိူမ်ႈဝႃႈၸိူမ်ႈ  -မႁႃႇပီတိသေႃးမၼသ်ႉသ တဵမ်တူၼ်ႈ ဢိူဝ်ႉလႃႉ -ၵျႃႉဝႃႈၵျႃႉ ဢႃႇၼႃႇၸဝ်ႈၾႃႉၶျႃႉယဝ်ႉ ပေႃးၶႂ်ႈၶျႃႉထႅင်ႈ သင်ပိူၼ်ႈၽွမ်ႉၵၼ်ၶျႃႉ သွင်သၢမ်ပွၵ်ႈၵေႃႈ တေလီ တေလီတၢၼ်ႇႁိုဝ် ဢၢပ်ႈတေဝႃႈၼႆၵေႃႈ ႁၢင်ႈမီးမီးယဝ်ႉ

ပေႃးဝႃႈယၢမ်းမွင်းၽွင်းထိုင် ၶုၼ်လူင်ပွင်ၸိုင်ႈ ဝူၼ်ႇမၢၼ်ႈၶဝ် ဢဝ်ၸဵမ် ၽၢႆႇသိုၵ်း ၽၢႆႇမိူင်း ဢၼ် ၼင်ႈဝႆႉႁင်းၶေႃ တီႈၼိုင်ႈၼၼ်ႉ ၽုၺ်ႇပပ်ႉလိၵ်ႈ ဢေႃးပႃႇမင်ႇၵလႃႇၶႆႈၼေပိူင်ပဵၼ် လႆႈၶျႃႉၸုၼ်ႉပႅတ်ႈဢႃႇၼႃႇ  ၵွပ်ႈၶႂ်ႈႁၼ် ပြေႇထွင်ႇၸူႉလူင်ႁဝ်း  ၵတ်းယဵၼ်ၶျႃမ်းသႃႇ  မၼ်ႈၵိုမ်းၵႂႃႇမိူဝ်းၼႃႈ ၶၢမ်ႇဢဝ်လွင်ႈလၢႆး တီႇမူဝ်ႇၵရေႇၸီႇ တဵမ်တဵမ်ထူၼ်ႈထူၼ်ႈၼၼ်ႉ ၼႆလႄႈ ယွင်ႈဢၢမ်း ၵၢင်ၸႂ်တေႃႇၽယႃး ၶဝ်တင်းသဵင်ႈ မီးၸေႇတၼႃႇ သၸ်ၸႃႇ သုၵ်ႈသႂ်ႇလူင်လူင်  လၢင်လၢင် ၸိူဝ်းၼႆႉ  တင်းၼမ်တင်းလၢႆ ၽၢႆႇမၢၼ်ႈ ၽၢႆႇတႆး  ၽၢႆႇပဢူဝ်း ပေႃးယဝ်ႉ

 ႁွင်ႉဢဝ်  ၸဝ်ႈၾႃႉလူင်ၶဝ်ႈၸဝ်ႈ  တူၼ်ၼိုင်ႈလဝ်ႉတူၼ်ၼိုင်ႈ ၵႂႃႇလူင်းလၢႆးမိုဝ်း ၼႂ်းပပ်ႉဢၼ်ဝၢင်းဝႆႉၼိူဝ်ၽိူၼ်သိူဝ်ႇၽႃႈၽႄးၶၢဝ် တီႈၽၢႆႇၼႃႈ လူင်ပွင်ၸိုင်ႈဝူၼ်ႇမၢၼ်ႈၶဝ် လႆႈလူင်းသွင်ပပ်ႉ  ပပ်ႉၼိုင်ႈ လူင်းလၢႆးမိုဝ်းဝႃႈ  ၸုၼ်ႉၶျႃႉဢႃႇၼႃႇ ၸဝ်ႈၾႃႉဢမ်ႇမီးဝၢၼ်ႈမီးမိူင်းယဝ်ႉ   ပပ်ႉၼိုင်ႈသမ်ႉဝႃႈ   ႁပ်ႉလႆႈငိုၼ်း ယဝ်ႉ  ႁဵတ်းၸိူင်ႉၼႆ  ပူၼ်ႉၵႂႃႇၼင်ႈၶိုၼ်းတီးယူႇၵဝ်ႇၽႂ်မၼ်း   ၵူၼ်းႁႆႇတိုင်ႈၶဝ်ၵေႃႈဢမ်ႇလိုဝ်ႈ  ၵူၼ်းပေႃႉထၢတ်ႈ ထွတ်ႇႁၢင်ႈၶဝ်ၵေႃႈ ဢမ်ႇလိုဝ်ႈ ၶၢမ်ႇၸၢတ်ႈ ၶၢမ်ႇသႅင်း  ႁဵတ်းပွႆးလဵင်ႉ ၶဝ်ႈလီၽၵ်းဝၢၼ် တီႈၸဝ်ႈၶုၼ်ၸဝ်ႈၼၢင်းၶဝ် ၵိၼ်ၶဝ်ႈ  ၵိၼ်လဝ်ႈ ၵျေႃႇၵၼ် ထူၼ်ႈၼမ်ႉထိုင်တီႈမၼ်းလီၼႃႇယဝ်ႉ    ဝၢႆးပွႆးလူင်ယဝ်ႉတူဝ်ႈၵႂႃႇ ယုမ်ႉယုမ်ႉယၢႆးယၢႆႈ ဝၢႆႇႁႃဝၢၼ်ႈၵဝ်ႇမိူင်းလင် ႁင်းၽႂ်ႁင်းမၼ်းယူႇယဝ်ႉ ဢၼ်ၽၢင်ႁၢင်ႈမၢၼ်ႈၼႃႈၵမ်ႇၶဝ် တဵၵ်းမဵပ်ႇ ဝၢင်းၶပ်ႉ ႁႂ်ႈၸဝ်ႈၾႃႉၶဝ် ၸုၼ်ပႅတ်ႈ ဢႃႇၼႃႇ  ပေႃးဝႃႈၸဝ်ႈၾႃႉၶဝ်  ပူတ်းပွႆႇဢႃႇၼႃႇယဝ်ႉ  သမ်ႉၼေးဝႃႈ  ၸဝ်ႈၾႃႉၽူႈႁၵ်ႉၸၢတ်ႈဝၢၼ်ႈမိူင်းတႆးၶဝ် ၶၢႆၵိၼ် ၼမ်ႉလိၼ် ၵမ်းၼၼ်ႉမၢၼ်ႈၼႃႈၵမ်ႇၶဝ်  သမ်ႉတႅမ်ႈလိၵ်ႈသေ သူင်ႇပိုၼ်ၽၢဝ်ႇၵႂႃႇ ၵူႈတီႈ ၵူႈလႅၼ် ၼွၵ်ႈဝၢၼ်ႈ ၼွၵ်ႈမိူင်း ဢိၵ်ႇပႃးလုမ်းၵမ်ႇၾႃႇ  ၵမ်းၼၼ်ႉ  ဢၼ်ပဵၼ်ၵူၼ်းလၢႆ တၢင်ႇဝၢၼ်ႈ တၢင်ႇမိူင်းၶဝ် ဢိၵ်ႇပႃး ၵူၼ်းၼင်ႈလုမ်းလူင်ၵမ်ႇၾႃႇၶဝ်ၵေႃႈ လႆႈယုမ်ႇယမ်တႄႉ

ဝၢႆးၼၼ်ႉမႃး ၸဝ်ႈၾႃႉၶဝ် လႆႈႁပ်ႉဢဝ်ငိုၼ်းသေ ယဝ်ႉ ငိုၼ်းၼၼ်ႉ ၶိုၼ်းပဵၼ်ၵွင်ႉဢဵၼ်ယၢင်လူင် သေ  ႁႂ်ႈၵူၼ်းဝၢၼ်ႈၵူၼ်းမိူင်းၶဝ်  ၸဝ်ႈသၢင်ႇၶႃႇရႁၢၼ်း   လုၵ်ႈဢွၼ်ႇႁူင်းႁဵၼ်း  ၼႂ်းၸိုင်ႈတႆး တင်းသဵင်ႈလႆႈၶၢမ်ႇတၢမ်ႇမၼ်းမႃးႁၢၼ်ႉတေႃႇထိုင်ဝၼ်းမိူဝ်ႈလဵဝ် ၼႆႉယဝ်ႉ  တႆးၵူႈၵေႃႉတႆးၵူႈတီႈၸဵမ်ၼုမ်ႇၸဵမ်ထဝ်ႈ ၸဵမ်ၸဝ်ႈ ၸဵမ်ၶႃႈ ႁႂ်ႈႁူႉတူဝ်သေၵမ်းတ {ၶေႃႈလီ >>ဢၼ်ၸဝ်ႈၾႃႉၶျႃႉဢႃႇၼႃႇၼၼ်ႉ

ၸဝ်ႈၾႃႉၶဝ်ႈၸဝ်ႈဝူၼ်ႉဝႃႈ ၶျႃႉဢႃႇၼႃႇပၼ်ၵူၼ်းမိူင်းႁႂ်ႈပဵၼ်မိူင်းႁူမ်ႈတုမ်ၸဵတ်ႈၸၢင်ႇ ၸဝ်ႈၾႃႉတေဢမ်ႇလႆႈမီးဢႃႇၼႃႇယဝ်ႉ

//ငိုၼ်း>> ငိုၼ်းၼၼ်ႉမၢၼ်ႈၶဝ်ႈဝႃႈတေတွၼ်ႈသူးၸဝ်ႈၾႃႉၶဝ်ႈ ဢၼ်းၶႂ်ႈႁဵတ်းၶႂ်ႈပဵၼ်မိူင်းႁူမ်ႈတုမ်ၸႅတ်ႈၸၢင်ႇ  ၼႆလႄႈ  ၸင်ႇၶျႃႉသူးပၼ်ငိုၼ်း}

ဢၼ်ၸဝ်ႈၾႃႉၶဝ် လႆႈႁပ်ႉငိုၼ်းၼၼ်ႉတူဝ်သဵၼ်ႈမၢႆငိုၼ်းမၼ်း  မိူၼ်င်ႇၽၢႆႇတႂ်ႈၼႆႉ

ၸဝ်ႈ ၶုၼ်ၺုၼ်ႉ            မိူင်း ၸၵွႆႇ         =         50,000

   ။    ၶုၼ်ဢူး              မိူင်း  ပၢင်မီ       =         50,000

   ။    ၶုၼ်သွင်း            မိူင်း  ၵျႃင်း        =         50,000

   ။    ၶုၼ်ၵျီႇ               မိူင်း   ၸၢမ်ၵႃး   =       120,700

   ။    ၶုၼ်ၺုၼ်ႉၸိင်ႇ    မိူင်းဝၢၼ်ႈယဵၼ်ႇ =      122,445

   ။    ၶုၼ်ဢွင်ႇ            မိူင်းပေႃႇသၢႆး      =      143,670

   ။    ၶုၼ်ဢွင်ႇမူဝ်း      မိူင်းပၢႆး              =      144,585

   ။    ၶုၼ်ယီႈ              မိူင်းယႂႃႇငၢၼ်ႇ    =      156,030

   ။   ထုၼ်းၸိင်ႇ          မိူင်းပူၺ်လ        =      187,350

   ။   တွင်းသူၺ်ႇ          မိူင်းၼမ်ႉၶူၵ်ႉၼွင်မွၼ်= 191,745

   ။   သိူဝ်ႁူမ်ႇ              မိူင်းပွၼ်           =       215,040

   ။    ၶုၼ်ဢူဝ်ႉ            မိူင်းႁူဝ်ပိူင်း       =       150,125

   ။    မူဝ်းၵျေႃႇ          မိူင်းပၢင်လွင်း     =       239,070

   ။    ဢွင်ႇမိၼ်ႉ           မိူင်းသီႇသႅင်ႇသထုင်ႉ=   264,975

   ။    သူၺ်ႇမုင်ႇ          ၵႄးသီဝၢၼ်ႈၸၢမ် =  263,595

   ။    မၢၼ်ႇၾႃႉ          မိူင်းသူႈ                =    264,030

   ။    ဝုၼ်းၵီႇ             မိူင်းပၢင်းတရ        =    270,135

   ။    ယၢၼ်ႇၵျိၼ်းသၢႆႇ ၵူဝ်းၵၢင်ႉ              =    332,520

   ။    သူၺ်ႇၵီႇ             မိူင်းပၼ်ႇ             =   407,845

   ။    ဢုင်းမွင်ႇ            မိူင်းၼွင်             =    383,025

   ။    ထုၼ်းဢေး         မိူင်းႁၢင်မိူင်းၶမ်း   =    450,295

   ။    ဢွင်ႇမိၼ်ႉ           မိူင်းမွၵ်ႇမႆႇ           =    408,705

   ။    မင်းလဵၵ်း           မိူင်းလိူၼ်း          =     447,500

   ။   ပြေႉ                   မိူင်းၼၢႆး             =     662,385

   ။    သိူဝ်ႁူမ်ႇ            မိူင်းသႅၼ်ဝီၸၢၼ်း =    965,900

   ။    ႁူမ်ႇၾႃႉ            မိူင်းသႅၼ်ဝီႁွင်ႇ   =   3,326,905

   ။   ၵျႃႇသႅင်              မိူင်းသီႇပေႃႉ      =   2,873,880

   ။   ၶုၼ်ပၢၼ်းၸိင်ႇ   မိူင်းၼမ်ႉသၼ်ႇ    =   1,867,911

   ။   ၼုမ်ႇ                 မိူင်းလၢႆးၶႃႈ         =      994,405

   ။   ၶုၼ်ၵီႇ               မိူင်းၵိုင်               =   1,079,070

   ။   ၶမ်းသိူၵ်ႈ            မိူင်းယွင်ႈႁူၺ်ႇ     =   1,240,075

   ။   ၶုၼ်ၶဵဝ်             မိူင်းမဵတ်ႈ             =   1,764,512

   ။   ၸၢႆးလူင်            မိူင်းၵဵင်းတုင်        =   5,061,030

   ။   ၶုၼ်သႃႇ            မိူင်းလွၵ်ႉၸွၵ်ႇ        =     427,275

             တၢင်းမူတ်းမႅၼ်ႈငိုၼ်း = 25,576,673

(သၢဝ်းႁႃႈလၢၼ်ႉ ႁႃႈသႅၼ် ၸဵတ်းမိုၼ်ႇ ႁူၵ်းႁဵင် ႁူၵ်းပၢၵ်ႇ ၸဵတ်းသိပ်းသၢမ်ၵျၢပ်ႈ တဵမ်)

      ငိုၼ်းၸိူဝ်းၼႆႉ ပိူၼ်ႈသူင်ႇပၼ်မႂ်ထုၵ်ႇငိုၼ်းမၼ်းသေ မိူင်းတႆးပွတ်းႁွင်ႇ  ႁႂ်ႈထုၵ်ႇဢဝ်  ၼႂ်းငိုၼ်းပၢၼ်ႇ  တီႈဝဵင်း လႃႈသဵဝ်ႈ။ မိူင်းတႆးပွတ်းၸၢၼ်း  ႁႂ်ႈထုၵ်ႈဢဝ် ၼႂ်းငိုၼ်းပၢၼ်ႇ ဝဵင်းတူၼ်ႈတီး(တွင်ႇၵျီး)ယဝ်ႉ။

ငိုၼ်းၶွင်ၸဝ်ႈၵဝ်ႇ ၶိုၼ်းပဵၼ်ငူးႁဝ်ႇသၵ်းတူဝ်

 မၢဝ်ႇႁိုင် ငိုၼ်းၽႅဝ်ၼႂ်းမိုဝ်းၼမ်လၢႆယူႇတႄႉႉ၊ ၵွႆးၵႃႈၸႂ်မႃႇမ ၼၼ်ႉဝႃႈ-ၵဝ်ပဵတ်ဢတ်ႉတ လွင်ႈတၢင်းဢမ်ႇၸႂ်ႈၵဝ်၊ ဢမ်ႇမီးၵဝ်ၵွႆး "ၵဝ်"ၼႆႉ ဢမ်ႇဝႃႈလႆႈ၊ မၼ်းပဵၼ် "ဢၼၼ်ႉတ "ၼၼ်ႉ

ဢမ်ႇႁၼ်၊ ငိုၼ်းၵွၼ်ႈ ငိုၼ်းႁူဝ်တင်းၵႃႈၼၼၼ်ႉ ၵဝ်ၵျၢမ်ႇၵိၼ်ဢမ်ႇလႆႈ၊ လုၵ်ႈမေး ပေႃႈမႄႈ ၺႃႇတီႇ ပီႈၼွင်ႉၸိူဝ်ႉၸၢတ်ႈၵၼ်ၼၼ်ႉ တၢၼ်ႇၼမ် တၢၼ်ႇဢေႇ ၵႃႈလႆႈၸႅၵ်ႇပၼ်ယဝ်ႉ။ၸဝ်ႈၾႃႉ မၢင်ၸဝ်ႈ ထီႇၼဵဝ် မႅင်ႇပိူၼ်ႈဢေႇၼႃႇ ၽၢႆႇၼိုင်ႈဢမ်ႇပေႃးၸႂ် ၽိတ်းထဵင်ၵၼ်၊ မေးၼွႆႉ မေးလူင် လုၵ်ႈမေးၼွႆႉ လုၵ်ႈဢေးလူင် ဢမ်ႇၽဵင်ႇၵၼ်၊ ၶိူဝ်းၼႃႉ ၶိူဝ်းဢႃ ၵေႃႉယူႇႁိမ်းၸမ်လႄႈ ၵေႃႉယူႇတီႈၵႆ ဢမ်ႇမႅင်ႇၽဵင်ႇၵၼ် ၽိတ်းၵၼ်ထဵင်ၵၼ်၊ ပီႈၼွင်ႉၸဝ်ႈၾႃႉမၢင်ပႃးၽိတ်းၸႂ်ၼႃႇ၊ မိူင်းဢူႈမိူင်းမႄႈႈႁဝ်း ၵႂႃႇၶၢႆၵိၼ် ပႅၵ်ႉၼိုင်ႈၵေႃႈဢမ်ႇဢဝ် ၼႆၵေႃႈမီး၊  မၢင်မိူင်းပီႈၼွင်ႉၵၼ် ဢမ်ႇလၢတ်ႈတေႃႇၵၼ်ၵေႃႈမီး။   ယွၼ်ႉလူၺ်ႈ ပိူင်ၵၢၼ်ငိုၼ်းတွင်း ၸိူဝ်းၼႆႉ ၵူၼ်းၵမ်ႈၽွင်ႈ ၵႂႃႇပဵၼ်ၸႂ်မၢၼ်ႈ ယူႇၽၢႆႇမၢၼ်ႈ ၶိုၼ်းႁႃတၢင်းၽိတ်းသႂ်ႇၸဝ်ႈၾႃႉ ၸူိဝ်းၼႆႉၵေႃႈမီး။ 

မိူင်းတႆးတင်းလူင် ၶၢႆၶၢတ်ႇ ဢဝ်ငိုၼ်း ၵျၢမ်ႇၶိုၼ် ၶိုၼ်း ၽႂ်ဢမ်ႇၸၢင်ႈၸွႆႈ။

ၵွပ်ႈငိုၼ်းၸိူဝ်းၼႆႉ ထၢတ်ႈၸႂ် ၸၢဝ်းၶိူဝ်း ဝၢၼ်ႈမိူင်း တႅၵ်ႇယၢႆႈၵၼ်သဵင်ႈ။ တၢင်းႁၵ်ႉပီႈၼွင်ႉၵၼ်ၵေႃႈ တႅၵ်ႇယၢႆႈၵၼ်သဵင်ႈ၊ ၵွင်ႉယၢင် ငိုၼ်းၸိူဝ်းၼႆႉၽေးလၢမ်း တုမ်ႉတိူဝ်ႉလၢႆတီႈ၊ ၸဝ်ႈၾႃႉၶဝ် ဢမ်ႇႁၼ်ၸွမ်း ၸိူဝ်းၼႆႉ ပဵၼ်ၺၢၼ်ႇမၢၼ်ႈ။ လီမိူဝ်ႇလီၸၢၼ်ႈၵႃႈႁိုဝ်လႃႇ။

(ၽိုၼ်ဢိင်း ပိုၼ်းမိူင်းတႆးသဝ်းေၶႃ

 တႅမ်ႈတၢင်ႇ