ပိုၼ်းၸဝ်ႈၼၢင်းမွၼ်းလၢဝ်(ၼၢင်းမွၼ်းလႃႉ) ၸိုင်ႈမိူင်းမၢဝ်း
ပိုၼ်းၸဝ်ႈၼၢင်းမွၼ်းလၢဝ်(ၼၢင်းမွၼ်းလႃႉ) ၸိုင်ႈမိူင်းမၢဝ်း
မိူင်းမၢဝ်းပဵၼ်မိူင်းဢၼ်တိတ်းၸပ်းၾင်ႇမေႈၼမ်ႉမၢဝ်း မိူဝ်ႈလဵဝ်ယူႇၶႅပ်ႇပွတ်းၼိူဝ် လႄႈၽူႈတေႇတင်ႈႁၢၵ်ႈဝၢၼ်ႈမိူင်း ယူႇၵိၼ်ပွတ်းၼၼ်ႉ လႆႈၸိုဝ်ႈဝႃႈ တႆးမၢဝ်း မိူင်းၼႆႉပဵၼ်သၢႆၸိူဝ်ႉၶိူဝ်းဢၼ်သိုပ်ႇမႃးတီႈ မိူင်းၼၢၼ်ႉၸဝ်ႈ ၸဝ်ႈၶုၼ်လူႇၽူင်းပဵၼ် ၽူႈၶႂၢၵ်ႈၽႅၼ်ႇလိၼ်ၶဝ်ႈမႃး လႄႈႁူမ်ႈမီးပႃး ၸဝ်ႈၶုၼ်တိုင်ၶမ်း ပဵၼ်ၵေႃႉဢွၼ်တၢင်းသုတ်း (လုၵ်ႈၶုၼ်ဢၢႆႈလႄႈၼၢင်းၽယႃးၼၢတ်ႉ )ၵေႃႇတင်ႈၶိုၼ်ႈမိူင်း တိုင်ၶေႃ သိုပ်ႇပုတ်ႈၵၼ်မႃးထိုင် ၶုၼ်လူး ၶုၼ်လႆ လႄႈ ဝၢႆးလင်ၸဝ်ႈၶုၼ်လႆ သဵင်ႈၸႂ် ထဝ်ႈမိူင်းသီႇၵေႃႉၸင်ႇဢဝ်တင်းမႃႉသေ ဢွၵ်ႇတၢင်းမႃးပွတ်း သိပ်းသွင်ပၼႃး ထိုင် မိူင်းႁီႉ မိူင်းႁမ်း မႃးႁွင်ႉၸိူဝ်ႉၶိူဝ်းၼႂ်းဝၢင်း မႃးပုတ်ႈၸၢမ်ႇမိူင်း ၼႃႈၾႃႉမိူင်းတႆး မီးၸဝ်ႈၶုၼ် တၢႆႇၶၢၼ်ႇ ပဵၼ်ၽူႈၼင်ႈ ၸဝ်ႈမီးလုၵ်ႈၸၢႆး(4)ၵေႃႉ လုၵ်ႈယိင်း(8)ၵေႃႉ မႃးၽေမႅင်ႇၼႃႈတီႈၼႂ်းၶိူဝ်း ႁႂ်ႈတေသိုပ်ႇပုတ်ႈၼႂ်းမိူင်းသီႇလႅၼ် ၼႂ်းပွတ်းထုင်ႉလိၼ်ၽၢႆႇၼိူဝ် မိူဝ်ႈလဵဝ်ပဵၼ် မိူင်းယူႇၼၢၼ်ႇ။
တႃႇမိူင်းမၢဝ်း ၽွင်းငမ်း ထဝ်ႈငႃးလူင် လုၵ်ႈၸဝ်ႈၶုၼ်တၢႆႇၶၢၼ်ႇ ပဵၼ်လုၵ်ႈၸၢႆးၵေႃႉထိၼိုင်ႈ ႁွင်ႉဝႃႈ ၸဝ်ႈၶုၼ်တုမ်ႇ ၸဝ်ႈလူင်ႁူမ်ႇမိူင်း ၶိုၼ်ႈပဵၼ်ၸဝ်ႈၵႅမ်မိူင်း ဝၢႆးလင်ၸဝ်ႈလႆႈၶိုၼ်ႈၼင်ႈမိူင်းမၢဝ်းတႅၼ်းတၢင်းၸဝ်ႈပေႃႈ မီးၼၢင်းယေႈၶွင်ႇ ပဵၼ်ၼၢင်းၶၢင်းႁူဝ်
ထိုင်မႃး မိူဝ်ႈပီႊဢေႇတီႇ 1029 ၼၼ်ႉမီးလွင်ႈပႅၵ်ႇပိူင်ႈပေႃႇၶိုၼ်ႈမႃး ႁွင်ႈသိုင်ႇတင်းလၢႆ တီႈၼႂ်းဝၢင်းႁေႃ ဢွၵ်ႇငဝ်းလႅင်းမၢပ်ႈႁိူဝ်ႈ မႅၼ်ႈမိူဝ်ႈဝၼ်းၼၢင်းယေႈၶွင်ႇၵိူတ်ႇလုၵ်ႈယိင်းလႄႈလုၵ်ႈၸၢႆးၽႃၽေ ပီႈပဵၼ်ယိင်း ၼွင်ႉပဵၼ်ၸၢႆး တၢင်ႇၸိုဝ်ႈဝႃႈ ၸဝ်ႈမိူင်းလၢၵ်ႇ (ပွင်ႇဝႃႈဢၼ်ပႅၵ်ႇပိူင်ႈၼႂ်းသိူင်ႇတိူင်းမိူင်း) တႃႇၼွင်ႉၵေႃႉထိသွင် တၢင်ႇၸိုဝ်ႈဝႃႈ ၶုၼ်ၵေႃႇလၢင် (ၸဝ်ႈၼေႃႇမိူင်း) တင်းသွင်ယႂ်ႇမႃႈၵႃႈသုင်မႃးၵေႃႈ မီးလွင်ႈၵူဝ်ယမ် ပုတ်ႉထၽႃႇသႃႇ တေႉၼၼ်ႉယဝ်ႉ။
မိူဝ်ႈၼႂ်းပီႊ ဢေႇတီႇ 1057 ၸဝ်ႈဢၼူဝ်းထႃး သိူင်ႇတိူင်းမိူင်း ၽူးၵမ်ႇ ၶိုင်ဢၢင်ႈတေၶဝ်ႈၵၢပ်ႇဝႆႈြၽႃးသႅင်ၶဵဝ် တီႈမိူင်းၶေႇ မိူင်းတႃႉလီႇ ၼၢၼ်ႉၸဝ်ႈ ၸိုင်လႆႈၶီႇမႃႉ တင်းၵူၼ်းမႃးထိုင်မိူင်းမၢဝ်း ဢၼ်ယူႇၼႂ်းၵႄႈ မိူင်းၽူးၵမ်ႇ ၶႅပ်ႇလိၼ်လႅၼ် ၼၢၼ်ႉၸဝ်ႈ လႆႈလတ်းၽႃႇတၢင်းမိူင်းမၢဝ်း ၶုၼ်ဢၼူဝ်းထႃး လႆႈလိုဝ်ႈတီႈ ဝဵင်းမူၼ်း ႁိမ်းမိူင်းမၢဝ်းလူင် ၸိုင်လႆႈၸတ်းႁႅၼ်း ၶိူင်ႈၶူဝ်းတၢင်ႇလွင်ႈ တၢင်ႇထိုင်ၸဝ်ႈႁူမ်ႇမိူင်း ဝၢႆးသေၼၼ်ႉ ၸဝ်ႈလူင် ႁူမ်ႇမိူင်း လႆႈသူင်ႇၵူၼ်းမိူဝ်းထိုင်မိူင်းၼၢၼ်ႉၸဝ်ႈ (ဝဵင်းတႃႉလီႇ ) ဢမ်ႇမီးလွင်ႈႁပ်ႉတွၼ်ႈထိုင် ၶုၼ်ဢၼူဝ်းထႃးၸိုင်ႈမိူင်းၽူးၵမ်ႇ ဝႃႈၼႆ ၶုၼ်ဢၼူဝ်းထႃး ၵူၺ်းလႆႈလိုဝ်ႈသဝ်းၼွၼ်းဝႆႉၼွၵ်ႈမိူင်း ၸဝ်ႈၶတ်းၸႂ်ၵပ်းသိုပ်ႇၸူး ၸဝ်ႈမိူင်းတႃႉလီႇ ၵမ်းလိုၼ်းသုတ်းလႆႈႁပ်ႉ ြၽႃးသႅင်ၶဵဝ်သူႇၼိုင်ႈပဵၼ်ၶူဝ်းတွၼ်ႈ သေပဵၼ်ပီႇတိသိူဝ်းၸႂ်တေႉ လႆႈႁူၼ်ပွၵ်ႈမိူင်းမၢဝ်းၶိုၼ်းၵဝ်ႇ ဝၢႆးၼၼ်ႉထိုင်ယဝ်ႉ ယွၼ်းၸဝ်ႈလူင်ႁူမ်ႇမိူင်း ပဵၼ်ပၢင်လဵင်ႉလူႁပ်ႉတွၼ်ႈြၽႃးသႅင်ၶဵဝ်ၶဝ်ႈမိူင်း ၸဵတ်းဝၼ်း မၼ်းၸဝ်ႈၵေႃႈယိၼ်းလီၸတ်းပၼ်ယဝ်ႉယွၼ်းလိုဝ်ႈၸူဝ်ႈၶၢဝ်းဝႃႈၼႆ။
ၼႂ်းဝူင်ႈတီႈလိုဝ်ႈသဝ်းယူႇၼႂ်းမိူင်းမၢဝ်း ၶုၼ်ဢၼူဝ်း လၵ်ႉလွမ်လဵပ်ႈႁဵၼ်း လွင်ႈၵႃႉၶၢႆ ၵူၼ်းမိူင်းမၢဝ်း လၢႆလွင်ႈလၢႆတၢင်း မိူၼ်ၼင်ႇ ႁဵတ်းႁႆႈၼႃးသူၼ် ၽုၵ်ႇၽၵ်း တူၺ်းၵူၼ်းၸိူဝ်းၼၼ်ႉသေ ၶႂ်ႈဢဝ်ပွင်သၢင်ႈၼႂ်းဝၢၼ်ႈမိူင်းၸဝ်ႈၵဝ်ႇ (မိူဝ်ႈၼၼ်ႉ ၸၢဝ်းမၢၼ်ႈ တၢင်းပွတ်းမိူင်း ၽူးၵမ်ႇ တေပဵၼ်ပိုၼ်ႉတီႈဢၼ် ၶႅမ်ႉလႅပ်ႈ မီးတင်းသၢႆၼမ်ႉ ၽိုၼ်တီႈႁဵတ်းၵိၼ်ၵၢၼ် ၵူၺ်းၸၢဝ်းမၢၼ်ႈၶဝ် တႃႇတေၵေႃႇတႅၼ်ႁဵတ်းၼႃးယင်းဢမ်ႇမေႃ ၵမ်းၼၼ်ႉၶုၼ်ဢၼူဝ်းထႃး ၸိုင်ၶႂ်ႈလႆႈၵူၼ်းၸိူဝ်းၼၼ်ႉ ပွၵ်ႈမိူဝ်းသၢင်ႈပွင်လႄႈသွၼ်ပၼ် ၸၢဝ်းမၢၼ်ႈတီႈ ၽူးၵမ်ႇ ဝႃႈၼႆ? တေႃႇမႃးလႆႈမုင်ႈႁၼ်မႅၼ်ႈလုၵ်ႈယိင်းသၢဝ် ၸဝ်ႈလူင်ႁူမ်ႇမိူင်း ၸဝ်ႈၼၢင်းမွၼ်းလၢဝ်( ၸဝ်ႈမွၼ်းလႃႉ) မၢၼ်ႈႁွင်ႉ ေꩡႃးမုၼ်ႇလႃႉ ၶုၼ်ဢၼူဝ်းထႃး ႁူၺ်ႇ တႃလႆႈမုင်ႈႁၼ်သေ လၵ်ႉလွမ်ၵျႃိၵ်ႈမႅၼ်ႈ ဝၢႆးသေပၢင်းြၽႃးၶဝ်ႈမိူင်းယဝ်ႉတူဝ်ႈ ၸိုင်လႆႈၶႂ်ႈယွၼ်းၽူႈၵူၼ်းလႄႈ တင်းၸဝ်ႈမွၼ်းလႃႉ ၶႂ်ႈမိူဝ်းသၢင်ႈဝၢၼ်ႈမိူင်း သွၼ်ၸၢဝ်းမၢၼ်ႈတီႈ မိူင်းၽူးၵမ်ႇ ၵၢၼ်တႅပ်းတတ်းၸႂ်ၼၢင်းတေႉဢမ်ႇပႆႇဝူၼ်ႉမႅၼ်ႈသွၼ်ႇ တႃႇတေပဵၼ်ၼၢင်းၶၢင်းႁူဝ် ၵူၺ်းတေပဵၼ်ၽွၼ်းလီလၢႆတၢင်း ၵမ်းလိုၼ်းၸဝ်ႈၼၢင်းၵေႃႈယွမ်ႇယွၼ်းသေ လႆႈဢွၼ်ဢဝ်ၸိူင်ႉၼၢင်းၵမ်ႈၽွင်ႈလႄႈတင်းႁူဝ်ႁၢၼ် လႆႈမိူဝ်းၸွမ်းၶုၼ်ဢၼူဝ်းထႃး မိူင်းၽူးၵမ်ႇ (လင်မႃးꩮုၵ်ႈလၢၼ်ၸၢဝ်းတႆး မီးသၢမ်ပီႈၼွင်ႉ လႆႈၶိုၼ်ႈဢုပ်ႉပိူင်ႇမိူင်းမၢၼ်ႈတၢင်းၼမ်
ၶုၼ်ဢၼူဝ်းထႃး မီးမေးၼၢင်းသီႇၵေႃႉ
(1) ၼၢင်းသီႇရိမႃႇလႃႇ(ဢဝ်ၵၼ်မိူဝ်ႈပႆႇၼင်ႈမိူင်း)
(2)ပဵၼ်ႇၸႃႇၵႃလႃၼီ (ၸဝ်ႈယိင်းမိူင်းဝေႇသႃႇလီႇ)(3)မၼီႇၸၼ် (ၸဝ်ႈယိင်း မိူင်းမွၼ်း)
(4)ၸဝ်ႈၼၢင်းမွၼ်းလၢဝ်(ၸေႃးမုၼ်ႇလႃႉ ၸဝ်ႈယိင်းမိူင်းမၢဝ်း)
ဝၢႆးသေၸဝ်ႈမွၼ်းလၢဝ်ႁွတ်ႈထိုင် မိူင်းၽူးၵမ်ႇၵေႃႉဢၼ်မီးလွင်ႈၵိုမ်းမၼ်ႈၼပ်ႉယမ်ပုတ်ႉထၽႃႇသႃႇ ၸိုင်လႆႈၵေႃႇသၢင်ႈဝတ်ႉၵွျင်း သၢင်ႈၵွင်းမူး ၼႂ်းမိူင်းၽူးၵမ်ႇ ၸဝ်ႈၼၢင်းလႆႈလူႇလႆႈတၢၼ်း ႁွမ်းလွင်းၶဝ်ႈသွမ်းတမ်ႈတီႈမုၼ်ၸဝ်ႈ လႆႈၽိတ်ႈပၢင်းမႃးလူႇၼႂ်းဝၢင်းတႃႇသေႇ။
ထိုင်မႃး ဢေႇတီႇ 1059 ၸိုင်လႆႈၸူဝ်းႁွင်ႉၶုၼ်ဢၼူဝ်းထႃး ၵေႃႇသၢင်ႈ ၸေႇတီႇ ꩡဝေႇသီးၶူင်ႇ(သူၺ်ႇသီးၶူင်ႇ) တႆးႁွင်ႉဝႃႈ ၵွင်းမူးသၢႆးၶမ်း ပဵၼ်ဢၼ်ပဵင်းပေႃးၸႂ် ၶုၼ်ဢၼူဝ်းထႃး တေႉယဝ်ႉ ဝၢႆးလင်မေးၼၢင်းတၢင်ႇၵေႃႉမီးလွင်ႈဢမ်ႇႁၢၼ်ႉၸႂ်ၼိူဝ် ၸဝ်ႈၼၢင်းမွၼ်းလႃႉ ၸင်ႇလႆႈႁဵတ်းႁၢႆႉပၢႆႉသီၶႃႉၶၢႆၸိုဝ်ႈ ဝႃႈ မၼ်းၼၢင်းပဵၼ်ၵူၼ်းဢမ်ႇလီ မီးၽီႁုၵ်ႉႁၢႆႉယူႇၼႂ်းတူဝ်မၼ်းၼၢင်း တေဢွၵ်ႇႁႃၵိၼ်ဢၼ်လိပ်းမိူဝ်ႈယၢမ်းၵၢင်ၶိုိုၼ်းဝႃႈၼႆ ႁဵတ်းၵဵင်ႈမႃးၼပ်ႉယမ် ပုတ်ႉထၽႃႇသႃႇယူႇ လွင်ႈသေႉသွမ်း လိုဝ်းလင်ပေႃႇမႃး ဢွၼ်တၢင်း ၶုၼ်ဢၼူဝ်းထႃးၵေႃႈဢမ်ႇယုမ်ႇ ဝၢႆးၼၼ်ႉလႆူငိၼ်းထႅင်ႈ ႁေႃဢၼ်ၸဝ်ႈမွၼ်းလႃႉလိုဝ်ႈယူႇ လႆႈမီးငဝ်းလႅင်ႈမၢပ်ႈႁိူဝ်ႈယၢမ်းၵၢင်ၶိုၼ်းလိုၵ်း ၵမ်းၼၼ်ႉ ၶုၼ်ဢၼူဝ်းထႃးၵေႃႈယုမ်ႇလွင်ႈဢၼ်ၵႂၢမ်းၶႃႉၶၢႆသေႉသွမ်း ဢွၵ်ႇမႃးၼၼ်ႉသေ ၸင်ႇလႆူလိုပ်ႈၸဝ်ႈမွၼ်းလၢဝ် ဢွၵ်ႇပူၼ်ႉၼႂ်း မိူင်းၽူးၵမ်ႇ မိူဝ်ႈ ပီႊဢေႇတီႇ( 1063)
ၸဝ်ႈမွၼ်းလႃႉ ဝူၼ်ႉဝႃႈသင်ၶတ်းၶိုင်ၸိုင် တေပဵၼ်လွင်ႈႁုၵ်ႉႁၢႆႉ ၸူးၵူၼ်းမိူင်းတေလႆႈႁွၼ်ႉလိူတ်ႇမႆႈ ၸိုင်ယွမ်းဢွၵ်ႇ မိူင်းၽူးၵမ်ႇလီလီသေ ၸဝ်ႈၼၢင်းတင်းၸိူင်ႉၼၢင်းၸႂ်ႉၵေႃႉၼိုင်ႈ ၸိုဝ်ႈငႃႈ ၼၢင်းၶမ်းသႃႇ ဢွၵ်ႇၶၢဝ်းတၢင်းမႃးၸွမ်းၵၼ် ႁွတ်ႈထိုင် ဝၢၼ်ႈၽၢႆႁိၼ် ၵူၼ်းဝၢၼ်ႈလၵ်ႉလွမ်သူင်ႇၵူၼ်းမႃးပွင်ႇၶၢဝ်ႇ ၸဝ်ႈလူင်ႁူမ်ႇမိူင်း တၢင်းမိူင်းမၢဝ်း လႆႈႁူႉ တႃႇတူဝ်ၸဝ်ႈၼၢင်းတေႉဢွၵ်ႇၶၢဝ်းတၢင်းမႃးလွႆးꧦ သေ လႆႈလိုဝ်ႈၼွၼ်းပွတ်းတၢင်း ထိုင်ဝၼ်းမႂ်ႇၼႂ်ၼိုင်ႈ တိုၼ်ႇမႃး မိူဝ်ႈတိုၵ်ႉသုၵ်ႈၼႃႈတီႈ ၾင်ႇမေႈၼမ်ႉၶေးၼိုင်ႈ မၢၼ်ႈႁွင်ႉဝႃႈ (ၼႃတွင်းၵယႃႉ) ယၢၼ်ႁၢင်ႇ မိူင်းမၢၼ်းတလေး(တႃႈလိူဝ်ႇ) ပွတ်းဝၼ်းဢွၵ်ႇ မွၵ်ႈ 13 ၵီႇလူဝ်ႇမဵတ်ႉ ၸိုင်လႆႈႁၼ်ငဝ်းလႅင်းဢွၵ်ႇၼႂ်းမေႈၼမ်ႉ လွမ်တူၺ်းထႅင်ႈ လႆႈႁၼ်ႁၢင်ႈၸွပ်ႇႁူၸဝ်ႈၼၢင်းၽၢႆႇၼိုင်ႈ တူၵ်းယူႇၼႂ်းၼမ်ႉ ၸိုင်လႆႈႁူႉဝႃႈ ၸွပ်ႇႁူမီးလွင်ႈငဝ်းသႅင် ၵမ်းၼၼ်ႉ ၸဝ်ႈၼၢင်းၸင်ႇၵိုတ်းလိုဝ်ႈဢွၵ်ႇတၢင်းသေ လႆႈၵေႃႇသၢင်ႈ ၵွင်းမူးၸဵတ်းသွၵ်ႇသူႇၼိုင်ႈ (မၢၼ်ႈႁွင်ႉဝႃႈ သူၺ်ႇၵျႃႇယၢၼ်ႇ) လႆႈၸႂ်ႉၶၢဝ်းယၢမ်း 45 ဝၼ်း ပဵၼ်ဢၼ်ယဝ်ႉတူဝ်ႈ ဝၢႆးၼၼ်ႉၸင်ႇသိုပ်ႇဢွၵ်ႇတၢင်း လတ်းၽႃႇဝၢၼ်ႈသိုပ်ႇဝၢၼ်ႈ ၸမ်ၽႅဝ်ထိုင် ၶွပ်ႇလိၼ်ဝၢၼ်ႈ မိူင်းသီႇပေႃႉ မိူဝ်ႈမႃးထိုင် ၸဝ်ႈၼၢင်းလႆႈသၢင်ႈ ၵွင်းမူး သုင်ၸဵတ်းသွၵ်ႇဝႆႉထႅင်ႈသူႇၼိုင်ႈ လႆႈဢဝ်ၸွပ်ႇႁူၸဝ်ႈၼၢင်းထႅင်ႈၽၢႆႇၼိုင်ႈ သၢင်းထၢတ်ႈၸႂ် ၵွင်းမူး ၸိုင်လႆႈယွၼ်းၵၢဝ်ႇထိုင်ဝႆႉဝႃႈ ႁႂ်ႈမီးမေႃႇၵိူဝ် သွင်မေႃႇႁႂ်ႈၵိုၵ်းၸပ်းၵွင်းမူး ြၽႃးဢိၼ်း ၸင်ႇလႆႈၸၢင်ႉ ဢေႇလဝၼ်ႇ တႅင်းဢွၵ်ႇပဵၼ်မေႃႇၵိူဝ်သွင်မေႃႇ မေႃႇသၢႆႉပဵၼ်ၵိူဝ်ၶူမ် မေႃႇၶႂႃပဵၼ်ၵိူဝ်ၸဵမ်း ၸိုင်ႁွင်ႉဝႃႈ ၵွင်းမူးမေႃႇၵိူဝ် (မၢၼ်ႈႁွင်ႉဝႃႈ ပေႃႇၵျႃႃဝ်ႇ )ဝၢႆးသေၼၼ်ႉ ၸဝ်ႈၼၢင်းလႆႈၸပ်းၶႆႈတၢင်းပဵၼ် ဢမ်ႇဢွၵ်ႇတၢင်းလႆႈယဝ်ႉ ၸိုင်လႆႈလူႉသဵင်ႈၸႂ် မိူဝ်ႈပီႊ 1065 ။
ၽၢႆႇပွတ်းမိူင်းမၢဝ်း ဝၢႆးသေလႆႈႁူႉငိၼ်းၶၢဝ်ႇဝႃႈ ၸဝ်ႈၼၢင်းမွၼ်းလၢဝ် လႆႈထုၵ်ႇလိုပ်ႈဢွၵ်ႇ မိူၵ်းၽူးၵမ်ႇသေ ၸဝ်ႈၶုၼ်ၵေႃႇလၢင် ဢၼ်ပဵၼ်ၼွင်ႉမီးလွင်ႈဢမ်ႇႁၢၼ်ႉၼိူဝ် ၶုၼ်ဢၼူဝ်းထႃး ၸင်ႇလႆႈဢဝ်တူဝ်ၵူၼ်း တႆး 99 ဢွၼ်ႁူဝ်သေၶဝ်ႈတိုၵ်း မိူင်းၽူးၵမ်ႇ
ၶုၼ်ဢၼူဝ်းထႃး လႅပ်ႈဢမ်ႇထင်ႈလႆႈ ၸိုင်လႆႈယွၼ်းတီႈမုၼ်ၸဝ်ႈသေ တေဢုပ်ႇဢူဝ်းၽၢႆႇသိုၵ်းၵေႃႈႁႂ်ႈငမ်းယဵၼ် ၵမ်းၼၼ်ႉ ၸဝ်ႈၵေႃႇလၢင် ၵေႃႈယွမ်းႁူမ်ႈလွင်ႈငမ်းယဵၼ်ယဝ်ႉသေလႆႈႁုမ်ႈၵၼ် ၵေႃႇသၢင်ႈၵွင်းမူး( ဝုၼ်ႉယေႇတွင်ႇ)မိူင်းၽူးၵမ်ႇ မီးထိုင်မိူင်ႈလဵဝ်။
ဝၢႆးၼၼ်ႉဢၼ်ပဵၼ်ၼွင်ႉ ၸင်ႈၵေႃႇလၢင် ဢွၵ်ႇၶၢဝ်းတၢင်းၸွပ်ႇၸွမ်းၸဝ်ႈၼၢင်းမွၼ်းလႃႉ ထိုင်မိူင်းသီႇပေႃႉ မိူဝ်ႈႁၼ်ထူပ်းမႅၼ်ႈပၢင်မႃႇသႃႇ ၸဝ်ႈပီႈၼၢင်းၸဝ်ႈၵဝ်ႇသေႇ လႆႈတိူဝ်ႉဢူၵ်းမွင်ၸႂ်သေ လူႉၻၢႆၵႂႃႇၸွမ်း ဝၢႆးသေပၢင်မႃႇသႃႇယဝ်ႉတူဝ်ႈ သွင်ပီႈၼွင်ႉပဵၼ်ယဝ်ႉယႃႇလီငၢမ်း ၵူၼ်းဝၢၼ်ႈၶုၼ်မိူၵ်းတၢင်းလၢႆ ၼႂ်းမိူင်းသီႇပေႃႉ ၸိုင်ဢဝ်ၶၢပ်ႈၽင်ႇရွင်ပီႈၼွင်ႉ ၽင်ဝႆႉတီႈဢမ်ႇၸမ်ဢမ်ႇၵႆ ၵွင်းမူးမေႃႇၵိူဝ် ၼၼ်ႉ မီးႁၢၼ်ႉထိုင်မိူဝ်ႈယၢမ်းလဵဝ်ၶႃႈ။
(သင်ဝႃႈၽူႈလူလိၵ်ႈႁဝ်းၶဝ် ႁၼ်မႅၼ်ႈဢမ်ႇထုၵ်ႇၸီႉၸမ်ႈဝူၼ်ႉမေး ပၼ် သင်ဝႃႈမီးတီႈၽိတ်းတီႈၵိူင်းဝႆႉၸႂ်ယႂ်ႇယၢဝ်းသေ ပၼ်ၶေႃႈႁၼ်ထိုင်လႆႈယူႇယွၼ်းၼပ်ႉယမ်ယူႇၶႃႈ?)
ความคิดเห็น
แสดงความคิดเห็น