ပိူင်ၽူႈယွမ်းသိုၵ်း ၽူႈယွမ်းသိုၵ်း

ပိူင်ၽူႈယွမ်းသိုၵ်း ၽူႈယွမ်းသိုၵ်း 

ၽွင်းမိူဝ်ႈသုမ်းၵၢၼ်ႉ ဢမ်ႇမီးတၢင်းလိူၵ်ႈၼၼ်ႉ

     သိုၵ်းၸုမ်းလႂ်​​ၵေႃႈလီ ၼႂ်းၵၢၼ်ႁဵၼ်းသွၼ်ပၼ်ပိုၼ်ႉႁူႉပၢႆးသိုၵ်းလႄႈ လၵ်းမၢႆသိုၵ်းတင်းသဵင်ႈၼၼ်ႉ ၽူႈလႂ်ၽႂ်တိုၼ်းဢမ်ႇပူင်သွၼ်ပၼ် လၢႆးၵၢၼ်ယွမ်းသိုၵ်းလႃးလႃး။

     ၵူၺ်းသွၼ်ပၼ် လၢႆးဢၼ်ၽူႈယွမ်းသိုၵ်း​ၶဝ်​တေလႆႈႁဵတ်း ၽွင်းၼႂ်းပၢင်သိုၵ်း ၼင်ႇႁိုဝ်ၶဝ်​​ပေႃး​​တေဢမ်ႇၸၢင်ႈပၼ်​​ၽေး​​တေႃႇၸဝ်ႈၵဝ်ႇၶိုၼ်းလႄႈ ပိုၼ်ႉႁူႉ လွင်ႈ​​တေဢမ်ႇလႆႈၶႃႈတၢႆၽူႈယွမ်းသိုၵ်း ​​တေလႆႈလုမ်းလႃးတူၺ်းထိုင်ၽူႈယွမ်းသိုၵ်းလီလီၼႆၼၼ်ႉၵူၺ်းယူႇ။

     ၸွမ်းၼင်ႇၼႂ်းပိုၼ်းထူပ်းမိုဝ်းလုမ်ႈၾႃႉ ၼၼ်ႉ  မိူင်းလႂ်/တပ်ႉလႂ်ၽႂ်​​ၵေႃႈ တိုၼ်းဢမ်ႇလႆႈႁဵၼ်းသွၼ်ပၼ်ပႃး ပၢႆးဝူၼ်ႉဢိၵ်ႇလၢႆးႁဵတ်း တႃႇ​​တေယုၵ်ႉမိုဝ်းယွမ်းသိုၵ်းပၼ်ၽႂ်လႃးလႃး​​ၼႆသေတႃႉ​​ၵေႃႈ ​​တူၺ်းဢဝ်ပိုၼ်းသိုၵ်းလုမ်ႈၾႃႉပွၵ်ႈ(2) ၵျႃႇမၢၼ်ႇလႄႈ ၵျပၢၼ်ႇ​​ၵေႃႈ လႆႈယွမ်းၵၢၼ်ႉယုၵ်ႉမိုဝ်းမႃး၊ သိုၵ်းဢ​​မေႇရိၵၢၼ်ႇ​​ၵေႃႈ လႆႈယုၵ်ႉမိုဝ်းပၼ်ၼၢင်းႁၢၼ် မိူင်းဝႅတ်ႉၼမ်းမႃးယူႇ၊ ၵွပ်ႈၼႆ​​ၵတ်ႉၶႅၼ်ႇၼႃႇ ၵႃႈႁိုဝ်ၵေႃႈ ပေႃးတိုဝ်ႉတၢင်းတိူၵ်ႈတၼ်မႃး 

လႆႈႁၼ်ၶဝ် ယုၵ်ႉမိုဝ်းၶၢမ်ႇပဵၼ်ၽူႈယွမ်ႊသိုၵ်း​​တေႃႇၵၼ်ၵႂႃႇၵူၺ်းၼင်ႇၵဝ်ႇ။ လဵပ်ႈႁဵၼ်းတူၺ်းဢဝ်တီႈၶႅပ်းႁၢင်ႈၽၢႆႇတႂ်ႈ​​တေၸႅင်ႈလႅင်းယူႇ။ 

     ၼႂ်းပၢင်သိုၵ်းၼၼ်ႉ ပေႃးႁၼ်ထိုင်ဝႃႈငဝ်းလၢႆး ပုၼ်ႈၽၢႆႇၸဝ်ႈၵဝ်ႇႁၢႆႉၸႃႉလူင်လၢင် ​​ဢမ်ႇမီးတၢင်းလိူၵ်ႈ​​ ၸိူင်ႉႁိုဝ်​​ၵေႃႈ ၸဝ်ႈၵဝ်ႇတေယွမ်းသိုၵ်း ၼႂ်းပၢင်တိုၵ်းၼႆၸိုင် ထုၵ်ႇလီပွင်ႇၸႂ်ဝႆႉ ၼင်ႉၶၵ်ႉတွၼ်ႈပႃႈတႂ်ႈၸိူဝ်းၼႆႉယဝ်ႉ။

(1) တေလႆႈယုၵ်ႉမိုဝ်းၼႄ (2) ၶွၼ် လွင်ႈဝႃႈ-

      ၸဝ်ႈၵဝ်ႇ ​​တိုၼ်းတေဢမ်ႇတေႃႇသူႈၶိုၼ်း။

(2) ပေႃးၼႂ်းမိုဝ်းၸဝ်ႈၵဝ်ႇမီးၵွင်ႈဝႆႉၸိုင် တေ

     လႆႈဢဝ်မိုဝ်းၽၢႆႇၼိူင်ႈယွင်ႈငုၵ်းၵွင်ႈ မိုဝ်း   

     ၽၢႆႇၼိုင်ႈသမ်ႉယွင်ႈတီႈပၢႆၵွင်ႈ​​သေ ယုၵ်ႉ

     လုၵ်ႉၸုၵ်းၼႄ လွင်ႈ​​ဝႃႈ ၸဝ်ႈၵဝ်ႇတိုၼ်း

     တေဢမ်ႇ​​တေႃႇသူႈၶိုၼ်း ။

​

​​ၶေႃႈၾၢင်ႉ

(a) - တေဢမ်ႇလႆႈငမ်ဢဝ်မိုဝ်းႁွင်းၼဵၼ်ၵွင်ႈ​​

         သေ မီးၾၢင်ႁၢင်ႈ​​တေၶႂ်ႈ​​တေႃႈသူႈၶိုၼ်း။

(b) သင်ဝႃႈ မီးၶိူင်ႈၼႂ်းမိုဝ်းၸိုင် ၸဝ်ႈၵဝ်ႇ​​တေ

       လႆႈၾၢင်ႉထွမ်ႇ သဵင်ဢၼ်ၽၢႆႇၼိူင်ႈၸႂ်ႉ ႁႂ်ႈ

        ထိုမ်ႈပႅတ်ႈၵွင်ႈ ​​ပေႃးၸႂ်ႉထိုမ်ႈလႄႈ ဢမ်ႇထို

        မ်ႈ​​ၵေႃႈ ၽၢႆႇၼိူင်ႈမီးသုၼ်ႇလႆႈပိုတ်းယိုဝ်း

         ယဝ်ႉ။

(3)  မိုဝ်ႈယုၵ်ႉမိုဝ်းၶိုၼ်ႈသွင်ၶွၼ်ၼၼ်ႉ ​​တေ

      လႆႈၾၢင်ႉ ယႃႇ​​ပေၵမ်ဝႆႉ မၢၵ်ႇပွမ်းလႄႈ ၶိုင်ႈ

      ယိပ်းတၢင်ႇၸိူဝ်း။

(4) မိူဝ်ႈၽၢႆႇၼိူင်ႈ ပၼ်​​ၶေႃႈသင်ႇ ၸႂ်ႉမူပ်ႇ​​လႄႈ 

     ၸႂ်ႉႁဵတ်း​​သေပိူင်ပိူင်ၼၼ်ႉ တေလႆႈႁဵတ်းၸွ

     မ်း ​​ပေႃးဢမ်ႇႁဵတ်းၸွမ်း​​ၵေႃႈ ၽၢႆႇၼိူင်ႈမီး

     သုၼ်ႇလႆႈပိုတ်းယိုဝ်း။

(5)  မိူဝ်ႈၽၢႆႇၼိုင်ႈၶိုၼ်ႈသိမ်းၼၼ်ႉ ၸဝ်ႈၵဝ်ႇဢ

       မ်ႇမီးၵွင်ႈ​​သေတႃႉ ​​ပေႃးဢဝ်မၢၵ်ႇပွမ်းၽၢတ်ႈ

       သႂ်ႇလႄႈသင်၊ ပႂ်ႉၸၼ်မၢၵ်ႇသႂ်ႇလႄႈသင်​​

      တေလႆႈၶၢမ်ႇတၢင်းပိုတ်းယိုဝ်းၶႃႈပႅတ်ႈယဝ်ႉ။

(6) မိူဝ်ႈၽၢႆႇၼိုင်ႈၶဝ်ႈသိမ်း ၼႂ်းမိုဝ်းၸဝ်ႈၵဝ်ႇ ဢ  

       မ်ႇမီးၶိူင်ႈၵွင်ႈၵၢင်ႇတၢင်းယိပ်းသင်​​သေတႃႉ ​​ 

       ပေႃးဢမ်ႇယုၵ်ႉမိုဝ်းပၼ်တင်း(2)ၶွၼ်ၸိုင် 

      ၸၢင်ႈလႆႈၶၢမ်ႇတၢင်းပိုတ်းယိုဝ်းယူႇၼင်ႇၵဝ်ႇ

      ယဝ်ႉ။

(7)  ၽူႈယွမ်းသိုၵ်းဢၼ်ဝႃႈၼႆႉ တိူၵ်ႈ​​သေၼင်ႈ

       ယူႇ​​ၵေႃႈလီ ၸုၵ်းယူႇ​​ၵေႃႈလီ ​​တေလႆႈယုၵ်ႉမို

       ဝ်းပၼ်တၢင်း ( 2 ) ၶွၼ်။

(8)  ပေႃးဢမ်ႇယုၵ်ႉမိုဝ်းၸိုင် ၼင်ႈယူႇ​​ၵေႃႈလီ 

      ၸုၵ်းယူႇ​​ၵေႃႈယဝ်ႉ ၽၢႆႇၼိူင်ႈမီးပုၼ်ႈၽွၼ်း

      ပိုတ်းယိုဝ်းယဝ်ႉ။

(9)  ဢဝ်မႆႉသဵပ်ႇ(ၽႅၼ်ႇၽိူၵ်ႇ​​) သေ ယုၵ်ႉၼႄ 

       ႁႂ်ႈၸုမ်းယူႇၽၢႆႇ​​ပေႉသိုၵ်းလႆႈႁၼ်​​သေ ယွမ်း

       သိုၵ်းတင်းၸုမ်း​​ၵေႃႈ ပိူၼ်ႈႁဵတ်း။

​​      ၽၢႆႇၼမ် ၽူႈယွမ်းသိုၵ်းၼႂ်းပၢင်တိုၵ်းၼႆႉ ၵွပ်ႈမီး​​ၽေးႁႅင်းၼႃႇလႄႈ ၵႆႉလႆႈထွမ်ႇ​​ၶေႃႈပူင် ၸုမ်းၽၢႆႇဢၼ်​​ပေႉသိုၵ်းၶဝ် ၸိသင်ႇၸႂ်ႉႁဵတ်းၼၼ်ႉ ၵူၺ်းယူႇ။ 

      ပေႃးဢမ်ႇႁဵတ်းၸွမ်းၼင်ႇ ၶိူင်ႈပိူင်လၢတ်ႈမႃးပႃႈၼိူဝ်ၸိူဝ်းၼႆႉ​​ ၸၢင်ႈလႆႈၶၢမ်ႇတၢင်းပိုတ်းယိုဝ်းၶႃႈတၢႆ​​သေ ၼင်ႇပုၼ်ႈၽွၼ်း ၼႃႈသိုၵ်းမီး ၽၢႆႇဢၼ်ပိုတ်းယိုဝ်းၶႃႈတၢႆၼၼ်ႉ တိုၼ်းဢမ်ႇမီးတၢင်းၽိတ်းသင်။ ၵွပ်ႈၼႆ​​တေလႆႈၾၢင်ႉ​​တေႉ​​တေႉ​​သေႁဵတ်းၸွမ်းယဝ်ႉ။

ၶူၼ်ႉၶႂႃႉႁႃမႃး ပိုၼ်ၽႄယိူင်းထိုင်ၽူႈယွမ်းသိုၵ်း ၵူႈၽၢႆႇၽၢႆႇ ႁႂ်ႈလွတ်ႈ​​ၽေး​​ၵူၺ်း

ၾၢင်ႁၢင်ႈ 

ၽူႈယွမ်းသိုၵ်းၶဝ် ယုၵ်ႉမိုဝ်း

ယွမ်းသိုၵ်းၼႂ်းပၢင်တိုၵ်း လုမ်ႈၾႃႉ